Shubh Sandhya Stri Shakti Kavita
5
????शुभ संध्या मित्रहो????
???????? स्त्री शक्ती ????????
कधी क्वचित मी खचून जाता
उंच भरारी घेते मी
टपकलेच जर अवचित अश्रू
नकळत त्यांना पुसते मी
थोपटते मी माझे मजला
गोंजारते मलाच मी
ऊर्मी माझ्या अंतरातल्या
नजाकतीने जपते मी
दुखता खुपता होता अगतिक
दु:ख झुगारुन देते मी
नव्या दमाने श्वास घेउनी
पुढे पुढे हो जाते मी
मीच असते तेव्हा माझी
भक्ति मी शक्तिही मी
माझ्या साठी माझी प्रेरणा
केवळ मी केवळ मी
This picture was submitted by Smita Haldankar.
See More here: Shubh Sandhya (शुभ संध्या मराठी)Contributor: Smita Haldankar
